En Donneschdeg de Moie war ënner anerem de Konflikt am Noen Osten Thema an der Emissioun "Invité vun der Redaktioun".

Et ass mir egal, wéi et herno heescht, op Recht, Droit, Fräiheet: Wichteg ass, dass et an d’Verfassung stoe kënnt, sot den Ausseminister a Vizepremier Xavier Bettel en Donneschdeg de Moien als eisen Invité vun der Redaktioun. Gemengt ass d’Recht op Avortement eben an d’Constitutioun schreiwen ze loossen.
Et géif eng breet politesch Zoustëmmung dofir ginn.

Dem Kardinol Jean-Claude Hollerich, deen e Samschdeg bei eis am Background schaarf Kritik geäussert huet, äntwert de Xavier Bettel: "Mir sinn am Joer 2025 a net méi 1700"

Wat d’Resultat vun de Sozialronnen ugeet, seet de Vizepremier, d’Positiounen hätten einfach "extrem zu extrem ausernee geleeën". Dofir hätt d’Regierung hir Responsabilitéit geholl.

Hie géif hoffen, dass nees méi Respekt opkënnt, well et wiere Propositiounen op den Dësch komm, déi hie schockéiert hätten. Wee wat proposéiert huet, wollt hien awer net verroden.

Invité vun der Redaktioun: Xavier Bettel

Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d'Emissioun dono och am Replay ze fannen.