D'Kanadierin ass eng impressionnant d'Course gefuer an huet d'Favoritten all stoe gelooss. Et ass dem Magdeleine Vallieres hier 2. Victoire iwwerhaapt.

D'Elite bei den Dammen hat e Samschdeg op der Weltmeeschterschaft am Cyclissem zu Kigali am Ruanda usprochsvoll 164.6 Kilometer ze fueren. Gold geet un d'Magdeleine Vallieres aus Kanada. Selwer a Bronze si fir Niamh Fisher-Black aus Neiséiland an dem Mavi Garcia aus Spuenien.

D'Anna van der Breggen, bis dato d'WM dräi mol gewonnen, huet misse 30 Kilometer viru Schluss lass loossen. Un der Spëtzt konnte sech am Col Kimihurura 10 Fuererinnen oofsetzen. Déi leschte Kilometer ware vun Attacke gepräägt - et war zu dësem Zäitpunkt eng immens hektesch Course.

3 Kilometer virun der Arrivée waren de Podium entscheet. D'Spuenierin Mavi Garcia, d'Kanadierin Magdeleine Vallieres an Niamh Fisher-Black aus Neiseiland.

Déi entscheedend Attack 2 Kilometer virum wäisse Stréch vum Magdeleine Vallieres konnt kee matgoen, an esou gewënnt déi 24 jonk Kanadierin virum Niamh Fisher-Black an dem Mavi Garcia Gold. Ee méi wéi iwwerraschenden Podium bei dëser Stroossecourse vun der Dammen Elite.

Aus Lëtzebuerger Siicht stounge mam Marie Schreiber a Gewenn Nothum 2 FSCL-Cyclistinne bei der U23-Damme Course um Depart. Fir d'Marie Schreiber war et déi 25. Plaz an der U23-Course. D’Gwen Nothum war d’Course bei den U23-Dammen net op en Enn gefuer. Weider Informatiounen zu der U23-Course fannt dir an eisem Artikel zu der Course.

Zu Kigali am Ruanda gëtt nach bis e Sonndeg d'Weltmeeschterschaft am Vëlossport op der Strooss gefuer. Den Ofschloss maachen e Sonndeg d'Elite vun den Hären, wou virun allem den Tadej Pogacar an de Remco Evenepoel am Fokus wäerte stoen.

Top 10

1 VALLIERES Magdeleine Canada 4:34:48
2 FISHER-BLACK Niamh New Zealand 0:23
3 GARCÍA Mavi    Spain 0:27
4 CHABBEY Elise Switzerland 0:41
5 MARKUS Riejanne Netherlands 0:57
6 NIEDERMAIER Antonia Germany 1:17
7 VOLLERING Demi Netherlands 1:34
8 (LE COURT) PIENAAR Kimberley Mauritius 1:34
9 REUSSER Marlen Switzerland 1:34
10 NIEWIADOMA Kasia    Poland 1:34