No dëser dach däitlecher Néierlag kréien et déi Déifferdenger am Retourmatch nächste Samschdeg schwéier, dëst Resultat nach zu hire Gonschten ze dréinen.

Fir déi Déifferdenger ass et déi 8. Kéier dass, si am Challenge Cup am Tour vun deene leschte 16 Ekippen deelhuelen. D'Red Boys konnte sech nach ni fir d'Véierelsfinall qualifizéieren. No der klorer 24:37-Defaite am Allersmatch e Sonndeg den Owend géint Prag dierft et dës Saison schwéier ginn, fir dës Première nach ze realiséieren. Am Retourmatch mussen d'Red Boys den nächste Weekend virun den eegene Spectateuren 14 Goler besser sinn.

D'Stëmmung bei Offiziellen a Supportere war e Sonndeg virum Match an Tschechien richteg gutt.

Déi Déifferdenger Red Boys hunn zu Prag hiren Allersmatch an der Aachtelsfinall vum Challenge Cup géint den HC Dukla um Enn awer däitlech mat 24:37 verluer. An der Paus waren déi Déifferdenger nach no un den Tschechen drun, well et do 14:18 stoung.

Nom Säitewiessel hu sech déi Déifferdenger ze vill technesch Feeler geleescht, wat ee sech op deem Niveau net erlaben dierf.

Bei den Déifferdenger war den Damir Batinovic de beschte Marqueur mat 7 Goler.

De Retourmatch ass den nächste Samschdeg um 18 Auer zu Uewerkuer an der Sportshal. Un d'Qualifikatioun gëtt realistescherweis de Moment net geduecht.