Iwwerdeems spillen den Tim Hall an de Marvin Martins mat Karpaty Lwiw 1:1 gläich.

Sonndeg

An der 2. Bundesliga war den Dirk Carlson no senger Kappverletzung vu leschter Woch nees 90 Minutten am Asaz. Karlsruhe setzt sech mat 2:0 zu Sandhausen duerch a steet an der Tabell op der 16. Plaz.

D'Young Boys Bern huet an engem geckege Match géint St. Gallen 3:3 gespillt. An der 9. Minutt vun der Nospillzäit konnt d'Ekipp vum Christopher Martins ausgläichen a sech sou ee Punkt sécheren.

An der Proximus League huet den SK Lommel mat 2:1 géint de VA Beerschot verluer. Dobäi war de Chris Philipps de ganze Match am Asaz.

Och den Excelsior Virton huet e Sonndeg mat 2:1 géint Westerlo verluer. De Kevin Malget an den Anthony Moris waren de ganze Match am Asaz, den Dave Turpel ass an der 78. Minutt fir den Aurélien Joachim ausgewiesselt ginn.

An der tierkescher Super Lig huet sech Ankaragücü misse mat 1:0 géint Genclerbirligi geschloe ginn. Den Gerson Rodrigues stoung dobäi de ganze Match um Terrain.

An der ukrainescher Premier League hunn den Tim Hall an de Marvin Martins mat Karpaty Lwiw 1:1 géint Dnipro gespillt. Déi zwee Nationalspiller waren de ganze Match am Asaz a stinn nom Remis weiderhin op der leschter Plaz an der Tabell.

Samschdeg

An der 3. däitscher Liga konnt de Maurice Deville mat Mannheim de Match géint Duisburg no engem 0:2-Réckstand nach dréinen a gewënnt mat 3:2. De lëtzebuergeschen Nationalspiller stoung de ganze Match um Terrain a steet mat Waldhof Mannheim elo op der 2. Plaz hannert dem hautege Géigner Duisburg.

An der nämlechter Divisioun verléiert de Jeff Saibene mat senger Ekipp vun Ingolstadt däitlech mat 0:3 zu Rostock. Opgrond vun der Victoire vu Mannheim fale si op déi 3. Plaz zeréck.

An der Belsch huet Virton mat 1:2 zu Westerlo verluer. De Gol fir Virton konnt de Kevin Malget schéissen deen de ganze Match iwwer um Terrain stoung. Och den Anthony Moris huet de ganze Match gespillt an an der 78. Minutt gouf den Aurelien Joachim fir den Dave Turpel agewiesselt.

An der éischter Divisioun an Zypern huet de Vahid Selimovic mat Apollon Limassol mat 3:2 géint Doxa gewonnen. De Lëtzebuerger huet de ganze Match duerchgespillt. An der Tabell steet Limassol op der 4. Plaz.

Freideg

Dat war den 1:1. Um Enn  stoung et 2:1 fir Orléans.

An Holland ass et dem Enes Mahmutovic seng Ekipp Maastricht, déi am Freidesmatch 1:2 géint Telstar verluer huet.

De Laurent Jans hat et mat Paderborn um Freideg géint de Leader vun der Bundesliga Bayern München ze dinn. Um Enn stoung et 3:2 fir Bayern.