E Freideg huet sech d'Lëtzebuergerin an der 1/4-Finall an 2 Sätz mat zweemol 7:5 géint d'Eliessa Vanlangendonck behaapt.

Beim ITF-Tennis-Tournoi zu Antalya an der Tierkei steet d'Eléonora Molinaro an der Halleffinall. Am éischte Saz war d'Lëtzebuergerin 1:4 hannen, ma si ass zeréck komm a konnt sech nach mat 7:5 behaapten. Duerno gouf et eng Ënnerbriechung wéinst dem Wand. D'Partie konnt duerno awer weider gespillt ginn. Och den zweete Saz ass mam selwechte Resultat un d'Lëtzebuergerin gaangen.
An der Halleffinall kritt d’Eléonora Molinaro et e Samschdeg mat der chinesescher Qualifikantin Jiangxue Han ze dinn.