An zwee däitleche Matcher konnt sech Déifferdeng mat 36:23 géint Miersch duerchsetzen a Käerjeng wënnt mat 43:22 zu Péiteng.

En Dënschdeg den Owend goufen am Lëtzebuerger Handball-Championnat bei den Hären Matcher vum 2. Spilldag gespillt.

Hären-Handball

Red Boys Déifferdeng - HB Miersch 36:23

Schonn an der Paus hat sech Déifferdeng e méi wéi komfortabele Virsprong vun 11 Goler erausgespillt an huet domadder de Gäscht gewisen, datt fir si näischt ze huelen ass. No der Paus hu se et du méi roueg ugoe gelooss, hunn de Virsprong verwalt a wanne mat 36:23.

HB Péiteng - HB Käerjeng 22:43

Direkt schonn an den éischte Minutte konnt sech déi Käerjenger däitlech vun de Péitenger ofsetzen an hunn hinnen domadder vun der éischter Minutt u keng Chance gelooss. An der Paus stoung et dunn och scho 25:11 fir Käerjeng. Och no der Paus ass et nämmlecht weider gaangen a Péiteng huet probéiert de Schued nach a Grenzen ze halen, mee schlussendlech wënnt Käerjeng ganz däitlech mat 43:22.