Iwwerraschend däitlech wënnt den HB Esch géint d'Red Boys Déifferdeng an och Käerjeng hat keng Problemer mat Schëffleng.

E Samschdeg den Owend war am Lëtzebuerger Handball-Championnat bei den Hären de 9. a leschte Spilldag virun de Playoffs.

Mat der däitlecher Victoire géint d'Red Boys Déifferdéng geet den HB Esch als Leader an domadder och als Favorit an d'Playoffs am Titelgrupp. Mat der Néierlag géint Dikrech konnt sech Miersch net fréizäiteg fir d'Playoffs am Titelgrupp qualifizéieren. Se hunn allerdéngs nach e Match géint Schëffleng nozehuelen a kënnen sech mat enger Victoire nach fir den Titelgrupp qualifizéieren. Bierchem huet sech iwwerraschend schwéier gedoe géint de Standard a konnte sech just knapps mat 22:20 duerchsetzen.

Hären-Handball

Red Boys Déifferdeng - HB Esch 23:30 (11:15)

D'Red Boys ware richteg gutt an de Match gestart a louche séier mat 3:1 a Féierung. Dono war bei der Heemekipp dann awer de Wuerm dran an Esch konnt de Match dréinen, sou datt et no 11 Minutte 5:3 fir Esch stoung. An och an de Minutten dono konnt Esch seng Féierung weider ausbauen, sou datt et no 15 Minutte 4:9 stoung. D'Red Boys krute sech dono nees gefaangen, sou datt se bis d'Paus de Réckstand bei 4 Goler konnten halen.

No der Paus hunn d'Escher ganz staark opgespillt an hunn de Red Boys keng Chance méi gelooss. No 45 Minutten hat Esch e Virsprong vun 10 Goler, sou datt de Match zu deem Zäitpunkt schonn entscheet war. Zum Schluss vum Match huet Esch Tempo erausgeholl an esou konnten d'Red Boys de Réckstand nach e bësse verkierzen. Allerdéngs huet de Match net dat gehalen, wat en als Spëtzematch versprach hat. Um Enn wënnt Ech mat 30:23.

HBC Schëffleng - HB Käerjeng 20:35 (11:20)

CHEV Dikrech - HB Miersch 30:27 (13:13)

HB Péiteng - HB Diddeleng 19:44 (10:22)

HC Standard - HC Bierchem 20:22 (9:12)