D'Lëtzebuerger Hären hunn an der Volleyball Silverleague no den Néierlage géint Kroatien an Ungarn och hiren drëtte Match verluer.

Géint Éisträich huet d’FLVB-Selektioun mat 0:3 (19:25, 22:25, 21:25) de Kierzere gezunn. D’Rout Léiwen hu sech awer ganz uerdentlech verkaf a waren an all Saz ganz no un der Iwwerraschung drun.

A 4 Deeg geet et da fir d'Häre schonn nees weider an d'Damme starten d'nächst Woch och an den Tournoi.

Tëscht dem 27. an dem 30. Mee ginn d'Matcher am Gymnase vun der Coque gespillt. D'Partië vun de FLVB-Dammen an -Häre ginn am Livestream op RTL.lu iwwerdroen.