Zanter en Dënschdeg steet de Géigner vum Champion Käerjeng fest.

D'Auslousung en Dënschdeg zu Wien huet erginn, datt déi Käerjenger Dammen am drëtten Tour vum EHF European Cup géint den Handball Erice aus Italien spillen. D'Matcher gi weekends tëscht dem 8. an 9., wéi och dem 15. a 16. November gespillt.

Réischt de Weekend huet sech de Lëtzebuerger Champion bei den Damme géint Anagennisi Artas duerchgesat a sech fir déi nächst Ronn qualifizéiert.