Souwuel bei den Damme wéi och bei den Hären ass et fir d'FLVB-Formatiounen e Samschdeg näischt ze huele ginn.

An der Silverleague am Volleyball huet d'Lëtzebuerger Dammennationalekipp och hire zweete Partie verluer. Fir d'FLVB-Formatioun gouf et e Samschdeg de Mëtteg am Gymnase vun der Coque eng 0:3-Defaite géint Israel. D'Lëtzebuergerinnen hunn iwwer wäit Strecke gutt mam Géigner matgehalen, ma um Enn konnte si sech kee Saz sécheren an hunn dës misse mat 23:25, 19:25 an 22:25 ofginn.

Bei den Hären ass et owes fir d'Lëtzebuerger Nationalekipp och näischt ze huele ginn. Am Match géint Ungarn hu si trotz engem gudden éischten an drëtte Saz mat 20:25, 16:25 an 22:25 um Enn de Kierzere gezunn.

FLVB-Formatioun mat Néierlag géint Ungarn
Den Tim Laevaert seng Karriär an der Nationalekipp geet lues awer sécher op e Enn.