Donieft huet d'Sparta beim Racing verluer. D'Etzella an de Basket Esch hunn hir Matcher ouni Problemer gewonn.

Um Sonndeg stoung den 11. Spilldag am nationale Basket-Championnat bei den Hären um Programm.

Den T71 Diddeleng huet sech um Enn knapp mat 78:70 (17:22, 17:9, 24:20, 20:19) géint den Telstar Hesper behaapt. An der Tabell konnt Diddeleng mat hirem Géigner gläichzéien a sech aus dem Tabellekeller erausschaffen.

Ganz uewen an der Tabell steet elo d'Résidence Walfer. Si hu sech an der Fiels mat 96:90 (24:19, 30:28, 8:28, 28:21) duerchgesat.

De Basket Esch bleift no der 107:92-Victoire (22:23,  27:20, 29:17, 29:12) géint d'Amicale vu Steesel punktgläich mat Ettelbréck am Spëtzegrupp vun der Tabell.

D'Etzella konnt sech doheem mat 92:75 (22:24, 24:13, 25:19, 21:19) géint Hiefenech behaapten.

Ënnenof huet sech de Racing wichteg Punkte geséchert n sech duerch eng gutt Leeschtung am leschte Véierel géint d'Sparta mat 73:64 (19:25, 17:12, 15:15, 22:12) duerchgesat.

D'Musel Pikes haten doheem keng Chance géint den AB Contern. D'Gäscht hunn hire Géigner mat 100:66 (25:12, 32:19, 19:14, 24:21) iwwerrannt.

Härebasket

Hären

RTL