12 Sportaarte sinn a véier Joer bei de Spiller vun de klenge Länner mat dobäi.

E Méindeg huet de Lëtzebuerger Olympesche Comité matgedeelt, datt op der Generalversammlung vun dëse Spiller 12 Sportaarte fir d'Editioun 2029 am Grand-Duché festgehale gi sinn.

Déi fix Sportaarten:

  • Liichtathletik
  • Judo
  • Schéissen
  • Schwammen
  • Dëschtennis
  • Tennis
  • Basketball (Indoor, 3x3)
  • Volleyball (Indoor, Beach Volleyball)

Déi weider Sportaarten:

  • Badminton
  • Cyclissem
  • Turnen
  • Karate

Donieft war et och d'Confirmatioun, datt d'Spiller vun de klenge Länner 2031 op Zypern organiséiert ginn.

Op där Assemblée gouf d'Michelle Tousch vum Lëtzebuerger Comité Olympique och als Generalsekretärin vum Gremium vun de Spiller vu de klengen europäesche Länner zeréckbehalen. Si iwwerhëlt d'Aufgabe fir zwee Joer.

RTL

© COSL