Beim Championnat am Cyclissem war et e Sonndeg d’Suite vun de Stroossecourssen. An der Course vun der Elite huet de Championstitel iwwerraschend de Colin Heiderscheid gewonnen. Op de Plazen zwee an 3 kommen den Noé Ury an den Alexandre Kess. D’Profie Kevin Geniets an Alex Kirsch hu sech iwwerrasche gelooss. De Kirsch gëtt de 7. op 48 Sekonnen, an de Geniets den 13. op 56 Sekonnen. De Bob Jungels ass aus gesondheetleche Grënn net un den Depart gaangen.
Bei der Elite ouni Kontrakt ass den Titel fir de Ken Conter. Hie ka sech virum Larry Valvasori an dem Tim Diederich duerchsetzen.
E Sonndeg de Moie schonn goung et bei den Dammen ëm de Championstitel am Cyclissem. Bei den Dammen hat d’Christine Majerus déi stäerkste Been a konnt sech eng weider Kéier den Titel sécheren. Dat virum Isabelle Klein.
Bei den Espoirs-Damme konnt sech d’Nina Berton virum Marie Schreiber behaapten.
Séierst Juniorin war d’Liv Wentzel, virum Anouk Schmitz an dem Layla Barthels.
Bei de Junioren huet sech de Mil Morang am Sprint den Titel geséchert. De Coureur vun Dippech huet sech virum Mathieu Kockelmann behaapt. Um Podium stoung nach de Mats Berns. Déi dräi hate sech vun de weidere Coureuren ofgesat an d’Victoire ënner sech ausgemaach.
RTL-Artikel: Rick Meylender a Sarah Mousel nei Meeschtere bei den Debutanten
