De Lex Reichling ass de frësch gebakene Cyclocross-Champion bei der Hären Elite. Hien huet sech leschte Weekend mat dësem Titel gekréint.
Am Laf vun der Saison konnt de groussgewuessene Coureur, deen insgesamt 5 Crosse fir sech entscheede konnt, mat gudde Leeschtungen iwwerzeegen. Um Cyclocross zu Miersch um Krounebierg huet de Lex Reichling beim nationale Championnat der Konkurrenz keng Chance gelooss. De Championstitel war fir de Fuerer vum Tooltime Préizerdaul d’Kiischt um Kuch.
