Ronn 53 Kilometer virun der Arrivée war den Italiener an eng Chute verwéckelt. Dëst huet hien esou rose gemaach, dass hien de Vëlo vun engem anere geholl huet an op dëse geheit huet.
De Coureur vun der Ekipp Ineos ass doropshin disqualifizéiert ginn. Wéi hien dëst matkritt huet, huet hien demonstrativ säin Dossard ewechgeheit.
Et ass net déi éischte Kéier, dass de Moscon negativ opfält. Beim Tour de France am Joer 2018 war hien op der 15. Etapp kuerz nom Depart mam Elie Gesbert uneneegeroden. Hei hat hie probéiert, de Fransous mat der Fauscht ze schloen. De Moscon gouf och deemools disqualifizéiert a fir 5 Woche gespaart.
