No den Hären e Samschdeg waren e Sonndeg och d’Dammen am Sprint iwwer 10 Kilometer zu Östersund gefuerdert. D’Victoire ass hei um Enn mat enger Zäit vun 30:14.20 an ouni Feeler un d’Lisa Theresa Hauser gaangen. D’Éisträicherin konnt sech virun der Suvi Minkkinen aus Finnland (1 Feeler, +2.5s) an der Anna Magnusson aus Schweden (1 Feeler, +31.8s) duerchsetzen.
Am Schisprangen zu Wisla huet de Slowen Domen Prevc no senger Victoire e Samschdeg och e Sonndeg op en Neits gewonnen. Mat 282.30 Punkte louch hien um Enn virum Japaner Ryoyu Kobayashi mat 281.40 Punkten an dem Däitsche Philipp Raimund mat 276.80 Punkten.
