18 Artisten, vun all Genre, notzen hei d'Raimlechkeete fir hir Konschtwierker ze weisen.

D'Iddi war et awer net e klassesche Vernissage ze organiséieren, mä dëst iwwer e puer Weekender ze verdeelen an esou en Event mat Musik, Iessen a Gedrénks draus ze maachen. D'Initiative kënnt hei vum Thierry Schmitz an hien huet eis dann och duerch d'Haus zu Beetebuerg gefouert, fir esou en Abléck an d'Kollektivexpo ze kréien.

VIDEO: Ausstellung an engem alen Haus
"Beautiful Decay", esou den Titel vun der Expo. Hei gouf en alt Haus zu Beetebuerg kreativ verwandelt.

De 9. an de 16. Juli kann ee bei dësem Event nach dobäi sinn. Méi Informatioune fannt Dir och op der Facebooksäit Beautiful Decay.

D'Kënschtler déi dobäi sinn:

Jonah Bache

Marc Donven

Raphael Gindt

Ayrton de la Hamette

Assy Jans

Andrée Jacoby

Daniel Lloyd

Oh Mamie

Irina Moons

Mik Muhlen

Jeff Poitiers

Yvette Rischette

The Sanctobin Brothers

Fritzie Schintgen

Thierry Schmitz

Lynn Theisen

Romain Waltener

Alain Welter