400 Joer sinn d'Kasematten a se zéie bis haut Touristen awer och Residenten un.

Mam neie Pavillon kommen eng Rei Ännerungen.

D’Zil vum Pavillon ass et, d’Visitte méi komfortabel a modern ze gestalten. Soss war et just méiglech, Gruppe vu maximal 10 Leit mat Guide an d’Péitruss-Kasematten erof ze schécken. Déi Visitten huet een och am Viraus misste reservéieren.
Elo kann een eng Visitt onofhängeg an am eegenen Tempo maachen. E Guide ass och net méi obligatoresch.
Dës Ännerung kënnt der grousser Nofro entgéint, erkläert de Marc Angel, President vum Luxembourg City Tourist Office:

“Et ass eng enorm Nofro. An de Bock-Kasematten an an de Péitruss-Kasematten hate mer dëst Joer bal 200.000 Visiteuren. Am Bock, do ka jiddereen ouni Grupp eran, soulaang e seng Entrée bezilt. Hei war dat awer net, et huet ee sech missen umellen an en Ticket kafen. Vill Leit hunn dat schued fonnt a konnten net kommen. Elo si d'Péitruss-Kasematte méi zougänglech an dat ass wierklech e groussen Avantage.”

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

De Pavillon déngt awer net nëmme fir d'Vente vun de Billeten, mä och als neie Sécherheetsposten. De Benjamin Ballion, Sécherheets-Responabele beim LCTO:

"Maintenant, nous nous servons des douze téléphones de sécurité qui sont à l 'intérieur des casemates, avec un report direct à l 'agent qui est à l 'accueil derrière moi, et l 'agent qui fait les ventes de la journée est aussi en charge la sécurité du site et correspond aussi avec sa collègue ou son collègue qui est à l 'intérieur des casemates, qui est un agent déambulant, via les douze téléphones ou via des smartphones et la data du site en Wi -Fi"

Mat dem neie System kéint een d’Visitten op ongeféier 340 Leit pro Dag am Wanter an iwwer dat duebelt am Summer eropschrauwen.

Well d'Kasematten eng vun den Top-Attraktiounen am Land sinn, profitéiert den Tourismus generell vun dëse Changementer. Et wier e weidere Schrëtt fir den Tourismus an d’Kultur méi no beieneen ze  bréngen, seet de Kulturminister Eric Thill.

Esou gëtt en Deel vum Lëtzebuerger Patrimoine dem Public méi zougänglech gemaach.