2kg festkachend Gromperen
20g Gänsefett
500ml Mëllech
15g Botter
1 Strull Kachkéis (250g)
1 Eegiel
100g Speckgréiwen
150ml Rahm
50g Schwäizerkéis
Salz, Peffer, Muskatnoss
D’Grompere schielen an an dënn Schéiwe vun 3mm schneiden. An en Dëppen zesumme mat der Mëllech ginn. Mat Salz, Peffer, an e bëssi Muskatnoss wierzen, an dat Ganzt fir 5 Minutte kache loossen.
Währen där Zäit de Botter an enger klenger Casserole schmëlzen. De Kachkéis mat 50ml Waasser dobäi ginn an dat Ganzt op klenger Hëtzt schmëlze loossen. Zum Schluss d’Eegiel ënnermëschen.
D’Gréiwe mat e bessi Gänsefett ubroden, bis se ufänken, Faarf ze kréien.
De Schäffchen op 180°C Umluft erhëtzen. Eng Gratinsform mat Gänsefett besträichen.
D’Hallschent vun de Grompere mat der Mëllech an d’Form ginn, dann d'Hallschent vun der Ram driwwerschëdden an d’Hallschent vum gerappte Kéis drop verdeelen. De Kachkéis driwwerschëdden a mam Rescht Gromperen, Ram a Kéis bedecken. D’Gréiwen iwwert de Grompere verdeelen.
De Gratin 50 Minutten am Schäffche baken – dobäi en A drop halen an de Gratin mat Alufolie ofdecken, wann d’Gréiwen ze donkel ginn.
Mat enger Zalot zerwéieren.
