D'"New York Times" an aner Medie ginn dovun aus, datt d'Feierlechkeeten en Donneschdeg den Owend Lokalzäit an der berüümter Sport- a Concertsarena Madison Square Garden matten a Manhattan lassginn.
Den New Yorker Buergermeeschter Zohran Mamdani huet d'Spekulatiounen nach weider ugefeiert. An enger Pressekonferenz zu der Hëtztwell, déi New York bevirsteet, huet den New Yorker Buergermeeschter gegeckst: "Wann Dir zoufälleg am Madison Square Garden bestuet gitt, wäert Dir banne bleiwen an et bleift schéi kill."
D'"New York Times", d'Chaîne ABC a verschidde Klatschmedien hu bericht, datt d'Taylor Swift an den Travis Kelce, allen zwee 36 Joer al, e Freideg am Madison Square Garden solle bestuet ginn. En Donneschdeg soll et een Owesiessen am klenge Krees ginn, ier et dann e Freideg eng "spektakulär Feier" mat ronn Dausend Leit soll ginn.
