380 Säiten huet d’Buch vun der 39 Joer aler Niess vum Albert II. vu Monaco mam Titel “La fêlure”, wat esou vill bedeit wéi: der Rass oder de Sprong. Dat huet dat franséischt Verlagshaus Julliard matgedeelt. Et handelt sech ëm eng literaresch a politesch Erfuerschung vun der Zerbriechlechkeet vun der Existenz. Zil vum Buch ass, dem Image vum iwwerflächlechen a verwinnten Adelegen entgéintzewierken. “Mech huet een dacks op e Bild op blénkegem Pabeier reduzéiert, op en Dram-Liewe voll mat Privileegien”, sou d’Casiraghi am Virwuert. Inspiréiert huet si sech bei Schrëftsteller wéi Francis Scott Fitzgerald a Marguerite Duras.
D’Charlotte Casiraghi ass d’Duechter vun der monegassescher Prinzessin Caroline. Hire Papp Stefano Casiraghi war 1990 mat engem Speedboat déidlech verongléckt. Do war si eréischt 4 Joer al. Dat éischt Buch ass et awer net, 2018 hat d’Charlotte Casiraghi zesumme mam Philosoph Robert Maggiori e Buch verëffentlecht.
