An Holland huet de Landwirt viru Joren e Projet entdeckt, dee säi Liewe gepräägt huet.

D’ASBL Leederwon gëtt et zanter 2008 hei zu Lëtzebuerg – fir genee ze sinn zu Betzder. Geleet gëtt de Projet vum Peter Aendekerk. Zesumme mam Monique Back, Educatrice en Formatioun a Päerdstrainerin, bidde si eng "Fräizäitbeschäftegung mat therapeutescher Wierkung" un. Konkret geet et hei ëm eng ganz besonnesch Päerdskutsch – de Leederwon. Op dësem kënne Leit mat schwéierem Handicap souzesoe reiden. Dëst Aktivitéit bréngt de Betraffener eng Rei kierperlech Beneficer, ma et ass virun allem déi séilesch Zefriddenheet an d'Laachen am Gesiicht vun de Leit, déi de Peter all Dag motivéieren, d’Associatioun weiderzedreiwen.

Op Grond vu sengem Projet gouf de Peter Aendekerk fir de Voting vum Lëtzebuerger vum Joer nominéiert. Fir déi 1. Plaz ass et leider net duergaangen.