Leit, déi an de Centre de soins avancés an der Rockhal op Esch-Belval mussen, kënnen hiren Auto op de Parking um Enn vun der Avenue du Rock'n'Roll stellen.

Dat huet d'Escher Gemeng am spéide Mëttwoch de Moien an engem Communiqué matgedeelt.

An enger 1. Phas war gesot ginn, dass d'Leit an den CFL-Parking an der Route de Belval fuere sollten, de Parking an der Avenue du Rock'n'Roll ass awer méi no bei der Rockhal. An deem Sënn goufen och Schëlter opgestallt.