De Streik vun de Mataarbechter vun der SNCF huet och Repercussiounen op den Zuchtrafic mat Lëtzebuerg.

Déi franséisch Eisebunner streiken e Freideg wéinst dem Personalmanktem, dem refuséiertem Congé a well hir Aarbecht net déi néideg Unerkennung géif kréien. Op der Ligne 90, also Lëtzebuerg a Richtung Nanzeg, a beim TGV muss mat Perturbatioune gerechent ginn. Dat vun e Freideg den Owend bis e Samschdeg de Moien.

Wéi op Panneaue vun der SNCF ze gesinn ass, ass de leschten Zuch a Richtung Frankräich fir e Freideg den Owend um 20.09 Auer virgesinn.

Weider Informatiounen an d'Fuerpläng vun den Zich fannt Dir um Site vun den CFL oder op der CFL-App.