Bei der 6. Editioun vum Vëlosummer dëst Joer hu méi wéi 43.700 Leit matgemaach. Dat si ganzer 40 Prozent méi wéi dat Joer virdrun.

Dës Zuelen hunn de Mobilitéitsministère an d'Direction du Tourisme vum Wirtschaftsministère e Mëttwoch publizéiert. Dëst Joer huet de Vëlosummer och 6 Woche laang gedauert. Grond dofir waren d'Aarbechten op der Zuchstreck a Richtung Norden.

De gréisste Succès hat de Mamerdall-Tour, deen iwwer 20 Kilometer vu Miersch op Mamer gaangen ass.