Et wier een an alleréischter Plaz mol do, fir ze hëllefen, fir déi betraffen, dacks opgereegten Automobilisten ze berouegen.

“Et sicht ee sech jo net eraus, wéini een en Panne fält”, sou den28 Joer jonke Mechaniker, deen zanter 7 Joer beim ACL schafft a reegelméisseg och nuets mat sengem giele Camion op de Lëtzebuerger Stroossen ënnerwee ass.  Am Kader vun eiser Serie "Nuetsschicht" stelle mir iech reegelméisseg Leit aus der Beruffswelt fir, ouni déi d’Gesellschaft hei am Land net funktionéiere géif. Mënschen, déi eréischt da schaffe ginn, wann anerer schonn hire Feierowend genéissen.