Um Freidegnomëtten hunn d’Gemengeservicer mam Opbau vun de Walkabinnen an den eenzele Walbüroen ugefaangen. Och d’Walurne goufen op hir respektiv Plaz gestallt. Do virdrunner waren d’Portieren aus de Schoulen domadder beschäftegt, déi eenzel Klassesäll, déi als Walbüro ëmgebaut ginn, auszeraumen.
D’Botzpersonal huet do virdrunner déi respektiv Säll nach eemol duerchgekiert. 12 Mann Personal ware mat dësen Aarbechte beschäftegt, déi bis an de spéide Freidegowend gedauert hunn. Um Samschdegmoie steet de Finissage um Programm. An de 29 Walbüroe gëtt nach eemol alles kontrolléiert, op och alles op senger Plaz steet.
