315 offiziell Reklamatioune goufen zejoert beim zoustännege Service vum Mobilitéits-Ministère eragereecht.
D'Doleance goufen et wéinst dem Behuele vun den Taxi-Chauffere respektiv wëll de Client gemengt huet, datt net de kierzte Wee geholl gouf, fir op säin Zil ze kommen. Dat präziséieren d'zoustänneg Ministere Gramegna a Bausch op eng entspriechend Fro vun der CSV-Deputéiert Diane Adehm.
Fir awer méi exakt Chiffere vu Plainten erauszefiltere wier net méiglech. De Grond: den Datesystem vun der Police géif dëst net erlaben.
Et ginn awer och bei fondéierte Plainte Sanktioune vun der Commission des Taxis geschwat: Dat waren der zejoert 11 géint Chaufferen a 17 géint d'Besëtzer vun Taxis-Firmen. 4 Entreprise krute souguer hir Lizenz definitiv ewechgeholl. Dat war och de Fall bei 2 Chaufferen, déi hir Chauffeurskaart agezu kruten.
Zanter der Reform vum Taxisecteur 2016 goufen och Protokoller geschriwwen, dëst waren der am Ganzen 450 fir eng Zomme vu ronn 87.000 Euro.
