Wéi de CGDIS schreift, huet et kuerz virun 19 Auer tëscht dem Keeler Poteau a Rëmeleng gerabbelt, dobäi gouf eng Persoun blesséiert.
An der Nuecht géint 2 Auer gouf et och een Accident, wou just 1 Persoun liicht blesséiert gouf, déi Kéier tëscht Schieren an Steeën.
Dann huet et awer och nach 2 Mol gebrannt, dat all kéiers zu Alzeng. Eemol stoung um 17 Auer eng Poubelle a Flamen an der Rue de l'Eglise. Nach ee Feier duerch e Kuerzen gouf et um 22.20 Auer nach an der Réiser Strooss.
E Samschdeg de Moie hat et op der N34, Bartreng Direktioun Stroossen, gerabbelt. En Automobilist ass do mat sengem Gefier an e Luuchtepotto gerannt a gouf blesséiert.
Eppes no 9 Auer krute sech Conter an der Rue Edmond Reuter 2 Ween ze paken, och hei ass ee Blesséierten ze bekloen.
