A sengem Bulletin mat de CGDIS 5 Accidenter e Méindeg den Owend mat jeeweils engem Blesséierten. Eng éischte Kéier hat et kuerz no 18 Auer um CR119 vum Stafelter a Richtung Eesebuer gerabbelt.
Géint 18.45 Auer hat sech um CR329 Nidderwampech a Richtung Uewerwampech e weidert Gefier iwwerschloen.
Zu Stroossen sinn an der Rue du Bois zwee Autoen net laanschtenee komm.
Op der N17B Furen an Direktioun Bëttel ass géint 20.23 Auer e Won op der Kopp gelant.
Da krut e Gefier zu Rammerech an der Rue Principale e Luuchtepotto ze paken.
Weider mellt de CGDIS nach en Accident en Dënschdeg de Moie géint 10.50 Auer um CR131 tëscht Buerglënster a Jonglënster, wéi e Chauffer d’Kontroll an enger liichter Rietskéier iwwert säi Gefier verluer hat. Do war eng Camionnette an de Bam gaangen. De Chauffer huet nach missten op der Plaz behandelt ginn a koum dono an d’Spidol.
