Cargolux-Maschinne sinn amgaangen, eng Loftbréck ze fléien, fir e provisorescht Spidol op Lëtzebuerg ze bréngen.

6 Flich wieren hei geplangt. Eng Struktur mat Plaz fir maximal 100 Better, fir d'Prise en Charge vu Patienten, déi net musse beotemt ginn. Dat huet de Service de Presse vum CHL eis confirméiert. Op der Pressekonferenz e Freideg huet de Premier Xavier Bettel confirméiert, dass en Deel vun der Liwwerung schonn am Grand-Duché ukomm ass an den Ament beim CHL opgeriicht gëtt. D'Container si via Cargolux aus Bari (Italien) ukomm.

Lëtzebuerg erwaart fir e Méindeg eng gréisser Liwwerung mat medezineschem Material aus China. E Méindeg, spéitstens en Dënschdeg gëtt d'Cargolux-Maschinn um Lëtzebuerger Fluchhafen erwaart. Dat huet den Ausseminister Jean Asselborn dem Lëtzebuerger Wort an dem Tageblatt vis-a-vis confirméiert.

Mat u Bord och 5 Millioune medezinesch Schutzmaske fir Dokteren a Gesondheetspersonal, knapp 5 Millioune medezinesch Händschen, 50 Beootmungsgeräter, 150.000 Schutzbrëller an eng Millioun aner Schutzmasken. An den Deeg dono ginn 100 weider Beootmungsgeräter erwaart, zwou Millioune Schutzbrëller a Schutzkleeder fir d'Personal aus de Spideeler.

"China hëlleft eis, well mir de Chinesen am Februar gehollef hunn", seet de Jean Asselborn am Wort.

D'Käschte fir d'Liwwerung leie bei 14,5 Milliounen Euro.

Och Südkorea hëlleft Lëtzebuerg mat Generiquen, déi bei enger Longenentzündung hëllefen. D'Medikamenter solle fir d'Behandlung vu 6.000 Leit hëllefen.

© RTL

Andréck vum François Aulner virum CHL (20.03.20)

Communiqué

Installation d'une structure d'accueil pour patients à côté du Centre hospitalier de Luxembourg (CHL) (20.03.2020)

Communiqué par: ministère d'État / Direction de la défense / ministère de la Santé

En vue de la lutte contre le Coronavirus (COVID-19), une structure d'accueil pour patients à côté du Centre hospitalier de Luxembourg sera installée pendant les prochains jours, avec le soutien de la NSPA (NATO Support and Procurement Agency) qui nous a fourni le matériel. Cargolux a assuré le transport pour ce projet, deux vols sont déjà arrivés, un troisième vol est prévu pour ce soir. La structure sera opérationnelle dans les prochains jours.