RTL - Feier zu Schëffleng: Daach vun engem Haus huet gebrannt

D'Avenue de la Libération zu Schëffleng war en Dënschdeg de Moie gespaart, well vis-à-vis vum Supermarché d'Gespär vun engem Haus gebrannt huet.

Wéi et géint 11 Auer vun der Plaz geheescht huet, wier d'Feier ënner Kontroll, ma nach net ganz aus. Blesséiert gouf dem CGDIS no keen.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

RTL-Informatiounen no hätt e Gebai gebrannt, wat als Logement social soll amenagéiert ginn. Hei hätten awer nach keng Leit gewunnt. D'Awunner aus dem Nopeschgebai, eng 12 Leit, misste relogéiert ginn.

Eng Ambulanz vun Esch an d'Pompjeeë vu Schëffleng, Esch, Suessem-Déifferdeng, Keel, Rëmeleng, Péiteng, Lëtzebuerg a Monnerech waren op der Plaz.