Géint 17.30 en Dënschdeg den Owend war eng Persoun an der Rue de Trèves um Findel vun engem Auto ugestouss ginn. Dat nämmlecht war ëm 4.38 Auer e Mëttwoch de Moien tëscht Péiteng an Athus de Fall. An deenen 2 Fäll war den Noutdokter op der Plaz.
Kuerz virun 22 Auer en Dënschdeg krute sech op der A13 tëscht den Tunnellen Éilereng an Aessen direkt 3 Autoen ze paken. Hei goufe 4 Persoune blesséiert. D’Ambulanze vun Esch, Suessem-Déifferdeng an de Samu aus der Stad waren op der Plaz.
Eng weider Persoun gouf da blesséiert, wéi kuerz no 2.30 Auer e Mëttwoch de Moien en Auto tëscht Grolënster an Altréier accidentéiert ass.
Kuerz virun 9.30 Auer war dann zu Bäreldeng an der Lëtzebuerger Strooss en Auto an e geparkte Gefier gerannt. Och hei gouf eng Persoun blesséiert.
