En Automobilist hat d’Kontroll iwwert säi Gefier verluer an ass mat der Bäifuerersäit an e Bam gerannt. Op Fotoen ass ze gesinn, datt de Motor aus dem Auto erausgerappt gouf, dat wuel duerch de Schock vum Impakt.
Der Police no gouf de Chauffer liicht blesséiert a koum fir eng Kontroll an d’Spidol. D’Drogen- an d’Alkoholtester sinn negativ ausgefall.
Op der Plaz waren d’Pompjeeë vu Réiden an d’Ambulanz vu Rammerech.
Um Freideg de Mëtteg géint 16.30 Auer ass zu Stroossen eng Persoun ugestouss a verwonnt ginn. Am Asaz waren d’Pompjeeë vu Mamer an eng Ambulanz aus der Stad.
