Dës Tageblatt-Nouvelle krut RTL vun Hesper Gemengeresponsabelen confirméiert. Viru genee engem Joer war devoiléiert ginn, datt 2 Beamte vun der Hesper Gemengen-Administratioun iwwert en Zäitraum vun 20 Joer Suen detournéiert hunn. D'genee Zomm vum Schued gouf ni public gemaach mä dierft substantiell sinn.
De Conseil de Discipline vun de Gemengen-Fonctionnairen huet e kompletten Dossier iwwert déi zwee beschëllegt Männer zesummegestallt, deen un d'Justice weider geleet gouf.
No der Enquête dierft den zwee Accuséierten, aktuell suspendéierte Fonctionnairen, de Prozess gemaach ginn.
RTL-NEWS: Gemengerotsmembere vun Hesper sollen Accès op PwC-Rapport kréien
