A Sondagen, déi d’Lëtzebuerger Wort opgegraff huet, a wou sech op d’Noriichteportal Euractiv beruff gëtt, géifen déi Lëtzebuerger Gréng hire Sëtz am Europaparlament verléieren.
D’CSV hätt d’Nues vir a kéim nees op 3 Sëtz. D’LSAP géif e Sëtz bäileeën an hätt dann zwee Europadeputéiert. D’DP kéint dat gutt Resultat vun 2019 net widderhuelen a géif nees op ee Sëtz zréckfalen.
Allgemeng gi fir d’Europawalen de Populiste gutt Resultater virausgesot. D’AfD an Däitschland oder de “Rassemblement National” a Frankräich kéinten u Stëmme wannen. Mëtt-Lénks-Parteien, Grénger a Liberaler dierften – Stand Februar – bei den Europawalen am Juni un Zoustëmmung verléieren.
