D’Lëtzebuerger Arméi kritt e Méindeg en neie Chef. Um 13:30 Auer ass zu Miersch déi offiziell Zeremonie vun der "remise de la fonction d’état major" tëscht dem Generol Steve Thull an dem Colonel Claude Robinet.
Déi militäresch Zeremonie, a Präsenz vun de politeschen a militäreschen Autoritéiten, soll d’Relève un der Spëtzt vun der Arméi formaliséieren, déi dann op den 1. Oktober aktéiert gëtt. Dat Ganzt ass oppe fir de Public.
D’Gemeng Miersch réit de Leit awer, mam ëffentlechen Transport ze kommen, well eng Rei Parkinge mussen zoubleiwen.
