De Michel Wolter trëtt als Buergermeeschter zeréck. Dat huet hien e Méindegmoien nom Vott vum Käerjenger Gemengebudget fir dat nächst Joer matgedeelt.
Seng Nofolleg soll seng Fra, d’Nadine Braconnier untrieden. Si ass Gemengesekretärin zu Monnerech a war an der Gemeng Käerjeng bis ewell Presidentin vun der Finanzkkommissioun. Si géif direkt Buergermeeschtesch, well deen Zweetgewielten op der CSV-Lëscht bei de Gemengewalen 2023, de Frank Pirotte verzicht. Hie leet weiderhin d’CSV-Ekipp am Schäfferot. Domat wéilt d’CSV de Generatiounewiessel preparéieren.
De Michel Wolter ass zanter 2010 Käerjenger Buergermeeschter. Den aktuellen CSV-Deputéierte war och vun 1995 fir zwou Legislaturperioden Inneminister. Vun 1995 bis 1999 war hien och Minister fir d’Fonction publique an d’Reforme administrative.
