Géint 18:30 Auer sinn an der Millebaach zwee Autoen aneneegerannt. D'Stater Pompjeeën an Ambulancieren hu sech hei ëm ee Blesséierte gekëmmert.
Um 22:12 Auer gouf dann eng Persoun bei engem Autosaccident um CR102 tëscht Schëndels a Keespelt blesséiert. D'Pompjeeën an d'Ambulanciere vu Miersch waren hei am Asaz.
Ronn eng hallef Stonn drop ass dann e Motocyclist zu Schrondweiler an der Rue Principale gefall. Hie gouf vun den Ambulancieren aus der Fiels versuergt. Och d'Pompjeeë vun Noumer waren op der Plaz.
