D'Police huet um Dënschdeg de Moien am Raum Mamer no zwou männleche Persounen gesicht, déi géint 7 Auer op der Areler Autobunn, op der Héicht vun der Sortie Mamer aus engem Camion gespronge waren, deen am Stau stoung.
Si hunn sech dono Direktioun Mamer ewech gemaach.
Wéi d'Police an engem Communiqué matdeelt, hätt et sech ëm am ganze 5 Männer gehandelt, aus dem Unhänger gesprongen an Direktioun Mamer fortgelaf sinn. Direkt e puer Policepatrullen goufe mobiliséiert. Och de Policehelikopter war am Asaz. 3 Persoune konnte zimlech séier festgeholl ginn. Et handelt sech dobäi wahrscheinlech ëm Flüchtlingen, aus deels verschiddene Länner.
Vun deenen aneren zwou Persoune feelt nach ëmmer all Spuer. Géint 10 Auer koum d'Meldung vun der Police, dass d'Sich virleefeg gestoppt gouf.
Et ass den Appell un d'Populatioun, am Fall wou ee suspekt Persounen am Raum Mamer gesäit, direkt den 113 ze kontaktéieren.
