En Dënschdeg um 6.01 Auer koum d'Noriicht vum Doud vum fréiere Staatschef. De Grand-Duc Jean ass 98 Joer al ginn. Erënnerungen.
Lëtzebuerger Kascht a Béier, Lëtzebuerger Clienten a gepotert gëtt och bal nëmmen op Lëtzebuergesch. Wiem dat gefält, geet op de Krautmaart d'Heidi een huelen. Matzen an der Uewerstad, direkt vis-à-vis vum Palais, fënnt een e Stéck Lëtzebuerg, dat déi sëllechen Touristen einfach iwwersinn an dobäi sinn hei esouwuel d'Leit, ewéi d'Maueren en Deel geliefte Monarchie. D'Monique Kater mat enger Rees an d'Lëtzebuerg vum Grand-Duc Jean (Video uewen).
Zanter e Mëttwoch leien och éischt Kondolenzbicher a verschiddene Gemengen aus, dorënner och zu Esch. De Jeannot Ries war an der zweet gréisster Stad vum Land ënnerwee an huet hei mat Leit geschwat.
Besonnesch déi Generatioun, déi mam Grand-Duc Jean a senge Funktiounen als Ierfgroussherzog a Groussherzog opgewuess sinn, goufe staark vum beléifte fréiere Staatschef gepräägt.
De Philippe Dondelinger huet sech mat de Leit an der Fondatioun Pescatore ënnerhalen a wollt vun hinne wëssen, wat hir ganz perséinlech Erënnerungen an Anekdote sinn, déi si mam Grand-Duc Jean verbannen.
