Erënnert gëtt un den 28. Abrëll 1848. Deemools hate sech d’Deputéiert an der Schoul zu Ettelbréck versammelt, fir an engem Kader vu groussen europäeschen Onsécherheeten, haaptsächlech a Frankräich, eng éischt national Constitutioun opzesetzen. Inspiréiert gouf sech deemools un där aus der Belsch. Festgeschriwwe goufen ënnert anerem eng éischte Kéier d’Rechter op Fräiheet, fräi Meenungsäusserung a Pressefräiheet. De Grand-Duc, deen deemools och Kinnek vun Holland war, krut seng Rechter duerch d’Chamber limitéiert. Zanterhier beweegt sech de Grand-Duché ënnert der Form vun enger konstitutioneller Monarchie.
Vum 1. Juli u gëllt déi nei Versioun vun der Constitutioun. All Stot kritt an deem Kontext eng gedréckte Versioun vun der neier Verfassung heem geschéckt.
