Eng Aarbechtsstonn kascht deier zu Lëtzebuerg.
39 Euro sinn et an der Moyenne, sou de Statec, dat ass däitlech méi wéi den EU-Duerchschnëtt vu 26 Euro a vun der Eurozon, wou et 30 Euro sinn. D'Schwäiz läit an Europa ganz vir mat 57 Euro, a Bulgarien par Konter kascht eng Aarbechtsstonn just 4 Euro, a Rumänien 5 Euro.
Dem Statec no, ass d'Struktur vum Lëtzebuerger Emploi de Grond fir déi héich Käschten. A Secteure wéi dem Bau oder der Industrie kascht d'Main-d'oeuvre awer hei am Land manner wéi an den Nopeschlänner. An der Constructioun sinn et 26 Euro. An der Industrie 34. Am Finanz- a Versécherungswiesen awer 71 Euro.
