Lëtzebuerg ass en attraktiivt Land mat gudde Produiten, d'Ekonomie huet sech erholl a virun allem huet sech de Marketing an de leschte Jore staark verbessert. Sou huet de Generalsekretär vun der Horesca, der Federatioun vun den Hotelieren, Restaurateuren a Cafetieren, de François Koepp, d'Rekordjoer am Tourismus 2016, um Mëttwoch de Mueren am RTL-Interview, erkläert.
An awer misst nach Verschiddenes verbessert ginn, sou den Invité vun der Redaktioun. Notamment a Saache Qualitéit. An deem Kontext begréisst den Invité vun der Redaktioun, och déi nei Hotelsklassifikatioun, déi no EU-Standarde festgeluecht gëtt. Sou wier de Verglach fir de Client méi einfach. Do dernieft fuerdert den François Koepp och, datt d'Simplification administrative endlech an de Betriber ukënnt. An un d'Patrone war et den Appell, fir déi nei Technologien a nei Medie besser ze notzen.
E Mëttwoch de Moie war de François Koepp, de Generalsekretär vun der Horesca, eisen Invité vun der Redaktioun.
