Sechs Joer huet déi ganz Affär viru Geriicht tëscht dem Guy Hellers an dem F91 Diddeleng gedauert.
D’Geriicht huet an dëser Affär e Montant am ënneschte 6-stellege Beräich decidéiert, an dovun kritt elo d’ADEM en Deel an de Guy Hellers kritt en Deel.
Am Juni 2016 hat de fréiere Futtballnationaltrainer, ëm déi Zäit Sportdirekter zu Diddeleng, de Stull beim F91 virun d’Dier gesat kritt. Als Grond huet de Veräi vum deemolege Mäzen Flavio Becca uginn, datt de Poste vum Sportdirekter iwwerflësseg gi wier.
An 1. Instanz an och am Appell huet d’Geriicht e klore Licenciement abusif géint de Futtballveräin aus der Forge du Sud ausgeschwat. Lo huet e Geriicht dann och de Montant vun der Entschiedegung definéiert.
