An enger Residenz um Houwald an der Diddenuewener Strooss hat et an der Nuecht op e Freideg kuerz no 3.30 Auer an enger Garage gebrannt. Wéi d'Pompjeeë vun Hesper an aus der Stad Lëtzebuerg op der Plaz ukoumen, huet d'Feier scho riskéiert, op een Appartement iwwerzegräifen, dat direkt iwwert där betraffener Garage war. Si hunn eng Persoun evakuéiert, déi sech zum Zäitpunkt vum Feier, nach um Ieweschte Stack vun der Residenz opgehalen hat.

Wéi et vun den Hesper Pompjeeën heescht, hunn eng ganz Partei Leit, déi am Gebai wunnen, musse relogéiert ginn. Den Ament sinn déi betraffen Appartementer net bewunnbar. 24 Pompjeeë vun Hesper waren am Asaz. Ënnerstëtzung kruten si vun 11 Pompjeeën aus der Stad. Si haten d'Feier séier ënner Kontroll. Op Fotoen ass allerdéngs ze gesinn, dass de Schued um Gebai grouss ass. Déi genee Brandursaach muss nach gekläert ginn.

D'Police sicht elo no engem spezifeschen Zeien. De Mann, ëm déi Mëtt 40 an 1,90 Meter grouss, mat engem schwaarzen Auto, kéint hei eppes gesinn hunn. Hie soll sech bei der Stater Police mellen.

The photos published on this site are subject to copyright and may not be copied, modified, or sold without the prior permission of the owner of the site in question.

Géint 1 Auer war zu Käl an der Escher Strooss en Automobilist mat sengem Gefier an de Rampli gerannt. Et ass kengem eppes geschitt.