Invité vun der Redaktioun (20. Mäerz)Jean-Michel Collignon iwwer dat neit Konzept vun der Luxexpo

E Mëttwoch fänkt d’Fréijoersfoire un, ënnert dem neien Numm «Springbreak Luxembourg » an dat an de Foireshalen um Kierchbierg, déi elo « Luxexpo-The Box » heeschen. En neit Konzept, wat ganz vill ze bidden huet, sou den Direkter vun der Luxexpo, Jean-Michel Collignon e Méinden de Moien am RTL-Interview. Et wier méi konzentréiert mat engem neie Rhythmus, enger neier kommerzieller Offer, e sëllechen Atelieren, Concerten a soss Animatioun.

D’Hal 6 an där elo exklusiv Flüchtlingen ënnerbruecht ginn, déi deboutéiert sinn, war och e Sujet. Dozou sot den Invité vun der Redaktioun, datt een de Springbreak an de Refugiés-Zenter um Kierchbierg kloer muss trennen. D'Verhandlunge fir de Vertrag mat der Regierung ze verlängeren, géifen iwwerdeems och gutt virukommen, sou de Jean-Michel Collignon.