Elo huet d'Police Detailer zu den Hannergrënn vum Asaz matgedeelt: Géint 18 Auer goufen d'Beamten an eng Residence an der Rue Bamerdall geruff, wéinst enger Meldung vun Aggressioun an ze vill Kaméidi. Nodeems d'Polizisten un der Dier geklappt hunn, hu se e Geräisch héieren, wéi wann ee mat enger Schosswaff géif hantéieren. Doropshin gouf direkt d'Spezial-Unitéit geruff. D'Residence gouf sécherheetshallwer evakuéiert an e Sécherheetsperimeter ageriicht. Den Awunner, ëm deen et sech gehandelt huet, gouf schliisslech op Uerder vum Dikrecher Parquet verhaft an huet en Donneschdeg Rendez-vous beim Untersuchungsriichter. A senger Wunneng goufen zwou Airsoft-Pistoule saiséiert. Kuerz virun 21 war den Asaz eriwwer. D'N7 war wärend dem Asaz temporär gespaart.
