Wann een als vulnerabel Persoun an d’Phas 4 vun der nationaler Impf-Campagne fält, da kann ee sech jo bei sengem Hausdokter mellen, dass deen een op d’Vaccinatiouns-Lëscht schreift.
Genee dat géif awer, trotz Demande vun de concernéierte Leit, vun Doktesch-Säit aus dacks net gemaach ginn.
Dee Reproche koum en Donneschdeg vun der Patientevertriedung, déi en Appell un d’Doktesch-Associatioun AMMD gemaach huet, fir hire Memberen nach emol ze rappelléieren, dass se déi entspriechend Démarche fir hire Patient musse maachen.
