An deem technesche Bréif, deen ons virläit, erkläert de Ministère, datt e Montant vun 30.700 Euro, deen e Parteimember a Kandidat un d'Partei iwwerwisen huet, als Don ze betruechte wier an net als Recette.
Där Zomm kéint also net Rechnung gedroe ginn, wann de Seuil vu 75% berechent gëtt an dowéinst louch d'Dotatioun vum Staat fir d'Piratepartei am Joer 2018 bei 87%.
D'Piratepartei krut deemno 19.341,02 Euro ze vill a gëtt vum Staatsministère gebieden, déi Zomm der Trésorerie de l'Etat zeréck z'iwwerweisen.
D’Piratepartei huet e Mëttwoch de Mëtteg reagéiert a betount "mir liesen d‘Gesetz anescht wéi den Här Bettel, dat muss also d'Geriicht entscheeden".
